Последните достапни податоци се од 2020 година. Во оваа анализа вклучени ЦЕФТА пазари се Босна и Херцеговина, Косово*, Црна Гора, Северна Македонија и Србија (Молдавија не е вклучена во базата на податоци, а Албанија нема податоци за последниве години). Како граѓаните на земјите од ЦЕФТА го користат интернетот и кои активности ги извршуваат додека се онлајн е претставено преку базата на податоци на Еуростат: Поединци - интернет активности [isoc_ci_ac_i]. Она што е карактеристично за достапните податоци е дека сите 5 земји најмногу користат интернет за телефонирање и социјални мрежи. Граѓаните на ЦЕФТА пазарите (достапни податоци за 5 земји) најчесто користат интернет за телефонски или видео повици; размена на инстант пораки, т.е. преку Skype, Messenger, WhatsApp, Viber; учество во социјални мрежи (создавање кориснички профил, објавување пораки или други активности на Facebook, Twitter итн.) како процент од поединци кои користеле интернет во последните 3 месеци и се на врвот на рангирањето на европските земји. Косово* е на врвот проследено со Црна Гора и Северна Македонија. Тие, исто така, користат висок процент од интернетот за читање на веб-страници за вести/весници; слушање музика; играње или преземање игри како процент од поединци кои користеле интернет во последните 3 месеци и Косово* има највисок процент.

Користењето на интернет за пронаоѓање информации за производи и услуги како процент од интернет корисниците е највисок во Косово* и Србија во корелација со процентот на е-купувачи. Процентот на поединци кои користеле интернет во последните 3 месеци за барање здравствени информации е најголем во Србија, потоа на Косово*, но за испраќање/примање е-пошта во Косово*, најмал процент од корисници на интернет ја вршат оваа активност онлајн. Кога станува збор за активности поврзани со е-трговија, како што се продажба на производи и услуги и интернет банкарство, процентот на поединци кои користеле интернет во последните 3 месеци за овие активности е многу низок во сите набљудувани ЦЕФТА пазари. Се чини дека постои инверзна корелација и земјите со најмал процент на употреба на интернет за социјално вмрежување имаат најголем процент на употреба на интернет за продажба на производи и интернет банкарство, Босна и Херцеговина во продажба на производи и услуги и Србија во интернет банкарство.